Visite des bâtiments du comté de Sancerre, 1637

"...Et le dict jour du lendemain, Mercredy dix huitiesme du dict mois de mars au dit an mil six cent trente sept, sommes partis de ladicte ville de Sancerre environ les sept ou huit heure du matin..... Et nous ....sommes transportez dans ung viel chasteau qui est proche ledict bourg de Menestreau que l'on nous a dict se nommer le chasteau des Belles, lequel ayant faist voir et visiter au  commissaire, Nous ont rapporté que
le dict chasteau est basty en figure ronde par le dedant et oblique par le deors et estre de trente six toises de diamètre au dedans qui est en partye enfermé de murailles aulcunes desquelles sont encore sur pied et une autre toute ruinée et desmolly et à l'entrée dudict chasteau qui est du costé de Pouilly, il y a une arcade du portail laquelle n'est pas achevée de ruiner, qui témoigne qu'il y a heu aultrefoy sur ledict portail ung bastiment
dont les fenestres  paroissent dans ung des costés lequel portail au surplus est entièrement ruiné et desmoly comme aussy tous les bastiments dont le dict chasteau estoit composé et ne reste que de vieilles masures d'ung bastiment qui estoit  vis à vis dudict portail du costé de Ménéstreau de longueur de dix huit toises et de largeur de huit toises sur lesquelles masures il n'y a aulcune couverture et sont du tout inhabitables, sauf qu'au bout desdittes masures
du costé dudict  Ménéstreau, il a été basti ung petit logis de longueur de trois toises, qui est couvert partie de tuilles et paille dans lequel se loge le jardinier, et ung autre endroit a aussy esté basty du costé de la rivière de Loire ung meschant apertil aussy couvert de paille. Et dudict chasteau des Belles sommes retourné audict bourg de Ménétreau et entré dans un bastiment que ledict Guichard Nous a dict estre le four banal.............."

retour au sommaire
autres annexes
bibliographie